अब एमालेका चुनाव जित्‍ने कोही मन्त्री भएनन्

गज्जबको यो मन्त्रिमण्डलमा अब एमालेको नयाँ कीर्तिमान बन्ने भएको छ। आफ्नै मातहतका मन्त्रीलाई आलोचना गरेको भन्दै गृह राज्यमन्त्री रिजवन अन्सारीलाई राजीनामा दिन प्रधानमन्त्री माधवकुमार नेपालले दबाब दिएपछि उनले आज राजीनामा दिँदैछन्। उनले राजीनामा दिएपछि अहिलेको मन्त्रिमण्डलमा नेकपा एमालेका १० मन्त्रीहरु मध्ये कि हारेका कि चाहिँ समानुपातिकबाट संविधान सभा छिरेकाहरु हुनेछन्। एमालेका मन्त्रीहरु मध्ये अन्सारी मात्रै थिए प्रत्यक्ष निर्वाचित मन्त्री। तर सर्लाही क्षेत्र नम्बर २ बाट जितेका अन्सारी नाम मात्र राज्यमन्त्री बनेर बस्नुपर्‍यो, त्यसैले राजीनामा दिनुअघि नै उनले राजीनामा दिन्छु भन्दै भाषण गर्दै हिँड्नु परेको थियो।

राज्यमन्त्री अन्सारीको राजीनामा प्रधानमन्त्री माधवकुमार नेपालले माग्नु अनुशासनको हिसाबले सही र उपयुक्त कदम हो। कुनै पनि देशमा आफ्नै मातहतका मन्त्रीको यसरी पदमा रहेर आलोचना गर्न पाइँदैन। देशमा अनुशासनहीनता बढिरहेको बेला पद मै रहेका बेला यसरी अनुशासनहीन काम गर्न पाइँदैन। असन्तुष्टि भए राजीनामा दिएर आफ्ना कुराहरु राख्‍न उनी स्वतन्त्र थिए।

तर माधव नेपालले यसैगरी सीडीओको गाला चड्काउने मन्त्री, उपप्रधानमन्त्री दिएन भनेर भारत भ्रमण त्याग्ने तत्कालीन परराष्ट्रमन्त्री, थोत्रो गाडी पर्‍यो भनेर गाडीको शिशा फुटाउने मन्त्रीसित पनि राजीनामा माग्न सक्नुपर्थ्यो।

सुरक्षा स्थिति नाजुक भइरहेको स्थितिमा स्वयं गृहमन्त्रीसँग पनि राजीनामा माग्न सक्नुपर्थ्यो। तर उनले त्यसो गर्न सकेनन्। फलतः अहिलेको मन्त्रिमण्डलमा एमालेको प्रतिनिधि सबै जनताले प्रत्यक्ष नचुनेकाहरु भएको देख्‍नुपर्‍यो।

को को छन् त हारेर पनि मन्त्री बन्नेहरु

माधवकुमार नेपाल – प्रधानमन्त्री
काठमाडौँ र रौतहट दुई ठाउँबाट पराजित

विद्या भण्डारी- रक्षामन्त्री (एमाले)
काठमाडौँबाट पराजित

रकम चेम्जोङ- शान्ति मन्त्री
धनकुटाबाट पराजित

डिल्लीबहादुर महत- शान्ति राज्यमन्त्री
जुम्लाबाट पराजित