नेपाली काँग्रेसका सभापति एवं भूतपूर्व प्रधानमन्त्री दिवंगत गिरिजाप्रसाद कोइरालाको उच्च मूल्यांकन गर्दै संचार माध्यमले उनका बारे सचित्र समाचार संपादकीय लेख र टिप्पणी छापेका छन्।
रेडियो र टेलिभिजन च्यानलहरुले स्वर्गीय कोइरालालाई अन्तिम श्रध्दान्जलीका लागि राखिएको दशरथ रंगशाला र त्यसपछि शहरका विभिन्न भाग हुँदै पशुपति आर्यघाटसम्मको शवयात्राको दिनभरि प्रत्यक्ष प्रसारण गरेका थिए।
प्रसारणको बीचबीचमा कोइरालाका पुराना भाषण र उनको व्यक्तित्वका बारे अन्तर्वार्ता प्रसारण गरिएका थिए।
‘महानायक’
ठूला पत्रिकाहरु सबैले कोइरालाको देहावसानको सचित्र समाचार ब्यानर हेडलाइनमा छापेका थिए।
सत्तामा रहँदा होस् वा नरहँदा आफ्नो लामो राजनीतिक जीवनमा अक्सर ताली भन्दा गाली पाएका कोइरालाले आइतबार सबै पत्रिकाहरुबाट भने ताली पाएका थिए।
कान्तिपुर दैनिकले कोइरालाको निधनलाई ‘महानायकको प्रस्थान’को संज्ञा दिएको थियो भने नागरिक दैनिकले ‘अलविदा गिरिजाबाबु’ लेखेको थियो।
नेपाल समाचारपत्रले कोइरालालाई ‘प्रजातन्त्रका अथक योध्दाको निधन’ भनेको छ।
अन्नपूर्ण पोष्टले 'राष्ट्रकै अभिभावकको अवसान' शीर्षकमा समाचार छापेको थियो।
अंग्रेजी दैनिकहरु दि काठमाण्डू पोष्ट र दि हिमालयन टाइम्सले कोइरालालाई राजनीतिको धरहराको संज्ञा दिएका थिए।
कोइरालाको बखानमा छापिएका समाचार र टिप्पणीले सबै पत्रिकाका पानाहरु भरिएका थिए।
सबैले स्वर्गीय कोइरालाले पछिल्ला दिनहरुमा निकै जोड दिएको दलीय सहमति र एकताको बाटोलाई स्मरण गरेका छन्।
'जोखिम'
उनले भनेको त्यही बाटो पछ्याउँदै शान्ति प्रक्रियालाई टुंगोमा पु-याएर नयाँ संविधानको यात्रा तय गरे कोइरालाप्रति सच्चा श्रध्दान्जली हुने विचार सबै पत्रिकाहरुले व्यक्त गरेका छन्।
तर भविष्यप्रति चिन्ता पनि व्यक्त गरिएको थियो।
कान्तिपुर दैनिकले लेखेको छ, “कोइरालाको अनुपस्थितिमा राजनीति असन्तुलन र अराजकतामा होमिन सक्ने जोखिम पनि छ”।
Posts
No comments:
Post a Comment